भारतमा नेपाली ठगीको जालो: बेरोजगार युवा, सवारी चालक, र हेभी इक्विपमेन्ट अपरेटरहरू मुख्य निशाना

फेसबुक, ईमो, whatsApp, Viber बाट कुनै पनि अन्जान ब्यक्ती वा चिनजानको ले भारत को बिहार को पटना, अयोध्या, वा अन्य कुनै पनि ठाउँमा, गार्मेन्ट, ...

फेसबुक, ईमो, whatsApp, Viber बाट कुनै पनि अन्जान ब्यक्ती वा चिनजानको ले भारत को बिहार को पटना, अयोध्या, वा अन्य कुनै पनि ठाउँमा, गार्मेन्ट, सेक्युरिटी गार्ड, ड्राइभर हुन्डा को swroom, हेभी अपरेटर आदि इत्यादि काम को Vacancy छ Interested (इच्छुक) ले Inbox मा म्यासेज गर्नुस भनेर पोस्ट गरेको छ भने कोहि कसै ले बिश्वास नगर्नु होला। भारत को विभिन्न ठाउँमा नेपाली हरु ले नै नेपाली लाई ठग्ने गिरोह छ। 

यस्ता पोस्ट गर्ने हरु ले सुरु मा तपाईं job को खोजी मा हुनुहुन्छ भनेर म्यासेज गर्छ। के गर्दै हुनुहुँन्छ ? job के छ भनेर सोद्छन । अनि यहाँ हाम्रो कम्पनी मा vacancy छ कमाइ राम्रो छ बोनस को ब्याबस्था पनि छ भन्छन। तपाईंले के काम जान्नु भएको छ त्यही काम पाइन्छ भन्छ। अनि तपाईंको डकुमेन्ट पठाउनु भन्छन। नागरिकता पठाउनु फोटो पठाउनु भन्छ। केही दिन पछि फेरि म्यासेज गर्छ तपाईं हाम्रो कम्पनी मा सेलेट हुनु भयो आउनुस भन्छ। यति टाढा कसरी आउने अहिले सम्म आएको छैन भन्दा बोर्डर सम्म आउनुस म लिन आउछु भन्छन। यहाँ 7 दिन तालिम लिनु पर्छ तालिम को 10 देखि 25 हजार भारितय रुपैयाँ (आईसी) लिएर आउनुस भन्छ। यति पैसा किन लिएर आउने भनेर सोध्यो भने यहाँ तालिम गरुन्जेल खान र बस्न को लागि भन्छन। तालिम पछि खान बस्न कम्पनी ले फ्री दिन्छ भन्छ। अनि त्यहा गए पछि तपाईंले लिएर गएको पैसा उनिहरु ले लिन्छ। होस्टल मा एउटा कोठा मा 15/20 जना त्यो पनि भुइ मा सुताउछ। खाना चै कनिका को खुवाउछ। तालिम चै Networking Business को बारेमा दिन्छ। तालिम मा अरु को काम गर्नु हुन्न आफै मालिक बन्नु पर्छ भनेर सबै काल्पनिक कथा सुनाउँछ। Networking business मा लाग्यो भने छिट्टो धनी हुन्छ भन्छ। र तपाईं लाई यो business मा join गर्न 2 लाख 50 हजार आईसी हाल्नुस भन्छ। तपाईंले 2 लाख 50 हजार आईसी त्यहाँ दियो भने तपाईं जागिर मा भर्ना हुनुहुँन्छ तर तपाईंले पनि तपाईं जस्तै 2 लाख 50 हजार आईसी तिर्ने 10 जना ब्यक्ती लिएर जानू पर्छ। होइन भने तपाईं को पैसा फिर्ता हुदैन। यदि तपाईंले 2 लाख 50 हजार आईसी दिनु भएन भने तपाईंले सुरु मा लगेको 20, 25 हजार त्यही 7 दिन मा खाइदिन्छ र रित्तै घर फर्कनु पर्छ। 

त्यहा नेपाल मा अबैध भनिएको पिरामिड शैली को networking business मा आबद्ध गराउन र ठग्न तपाईं हरु लाई बारम्बार म्यासेज गर्छ। त्यसै ले सचेत रहुनु होला। अन्जान वा चिनजानको ब्यक्ती ले भारत कुनै पनि ठाउँमा राम्रो salary पेन्सन को ब्याबस्था बोनोस हुन्छ 20 देखि 50 हजार आईसी कमाइ हुन्छ भनेर बोलायो भने please please विश्वास नगर्नुस। यसको उदाहरण भारत को बिहार राज्य को पटना को पुनपुन भन्बे ठाउको we winner भन्ने ठग networking business पनि हो। त्यहा जानू भयो भने हजुर हरु को सुताइ र बसाइ को अबस्ता कुकुर को जस्तै हुन्छ। please please please be aware. Be carefule.यो भन्दा अरु केही जानकारी चाहिए मलाई सम्पर्क गर्नु होला। मैले फसेर आएका मान्छे को बाट लिएको यो समाचार हो । यो कुनै कल्पनी संचार होइन । मलाई थाहा भएको जानकारी हजुर हरु लाई गराउछु । हाल अझै नेपालबाट रोजगारीको आशामा भारत जाने नेपालीहरूको संख्यामा बृद्धि भइरहेको छ। बेरोजगारी र आर्थिक समस्याका कारण भारतमा अवसर खोज्न जानेहरू प्रायः ठगीको शिकार बन्छन्। यसै क्रममा, ठगीका घटनामा मुख्यतः बेरोजगार युवा, सवारी चालक, र हेभी इक्विपमेन्ट अपरेटरहरू निशाना बनेका छन्। ठगी गर्नेहरू "रोजगारीको ग्यारेन्टी" र "तालिमको अवसर" को बहानामा यी व्यक्तिहरूलाई आर्थिक र शारीरिक रूपमा शोषण गर्दै आएका छन्।

नेपालमा नै शुरू हुने ठगीको यो जाल भारतमा पुगेर अझ डरलाग्दो रूप लिन्छ। पीडितहरूले आफ्नो लाजका कारण यस्ता घटनाहरू सार्वजनिक गर्न नसक्दा समस्या दिनप्रतिदिन गहिरिंदै गएको छ। यो लेखले यस्ता घटनाहरूको पर्दाफास गर्नुका साथै, समस्याको समाधानको लागि जनचेतना फैलाउने प्रयास गर्न सकोस भन्ने चाहना गर्दछु ।

ठगीको प्रक्रिया कसरी सुरु हुन्छ?

ठगी गर्ने व्यक्तिहरू नेपालमै बस्ने चिनजानका साथीभाइ, आफन्त, वा अरू विश्वासिला देखिने व्यक्तिहरू हुन्। उनीहरू यस्तो योजना बनाउँछन् कि शिकार बन्ने व्यक्तिले उनीहरूलाई पूर्ण रूपमा विश्वास गर्छन्।

ठगीको प्रक्रिया यस प्रकार हुन्छ:

१. कामको आश्वासन दिनु:

ठगहरूले आफ्नो चिनजानका मानिसलाई भन्छन्, "तिमीले जस्तो सीप जानेको छ, त्यस्तै राम्रो काम लगाइदिन्छु । त्यो काम पनि सरकारी मा हो । तलब पनि राम्रो हुन्छ।" सवारी चालक र हेभी इक्विपमेन्ट अपरेटरहरूका लागि "सीपको कदर हुने काम र राम्रो भविष्य" को सपना देखाइन्छ।

२. तालिमको बहाना:

उनीहरूलाई भनिन्छ, "यहाँ भारतमा काम सुरु गर्नुअघि सात दिनको तालिम लिनुपर्छ। तालिमका लागि मात्र ₹25,000 लाग्छ। बाँकी खाने, बस्ने, र जाने-आउने खर्च तिमीले आफैं व्यवस्थापन गर्नुपर्छ।"

३. भारत लैजानु:

सबै तयारी सकेपछि, ठगहरूले नेपालीलाई भारत पुर्याउँछन्। उनीहरूलाई सात दिनको तालिममा राखिन्छ, तर त्यो तालिम कहिल्यै पनि रोजगारीको आधार बन्न सक्दैन। सरासर झुठ हुन्छ । तालिम दिएको नाटक मात्रै हुन्छ ।

४. फेल भएको बहाना:

सात दिनपछि, पीडितलाई भनिन्छ, "तिमी तालिममा फेल भयौ। यसरी तिमीलाई काममा लगाउन सकिँदैन।" काम नपाएपछि, ती व्यक्तिहरूलाई नेपाल फर्कन बाध्य गरिन्छ। घर फर्कन को लागि एक पैसा पनि छोडिएको हुँदैन । घर फर्कने खर्चसमेत पीडितकै जिम्मा हुन्छ।

५. आर्थिक र शारीरिक शोषण:

कतिपय अवस्थामा, ठगी केवल आर्थिक ठगीमा सीमित रहँदैन। पीडितहरूलाई बन्धक बनाइन्छ, उनीहरूको शारीरिक शोषण गरिन्छ, र किड्नी बेच्ने जस्ता घृणित अपराध गरिन्छ, गराइन्छ ।

ठगी गर्नेहरूको निशाना: किन सवारी चालक र हेभी इक्विपमेन्ट अपरेटरहरू?

१. बेरोजगार युवा:

नेपालमा बेरोजगारीको समस्या गहिरिँदै जाँदा, युवा वर्ग विदेशमा राम्रो भविष्यको खोजीमा हुन्छ। यही मनोविज्ञान बुझेर ठगहरूले उनीहरूलाई आकर्षक अवसरको लोभ देखाउँछन्।

२. सवारी चालकहरू:

सवारी चालकहरूले आफ्नो सीपअनुसार रोजगारी पाउने र भारतमा "उच्च तलब" कमाउन सकिने आशा राख्छन्। उनीहरूलाई यो सपना देखाएर ठगहरू ठगीको जालोमा पार्छन्।

३. हेभी इक्विपमेन्ट अपरेटरहरू:

यी अपरेटरहरूको सीपलाई ठगहरूले "ठूला कम्पनीमा काम लगाइदिने" सके सम्म सरकारी जागीरमा नै लगाइदिने वाचा गर्छन्। तलबको लोभमा फस्ने यी व्यक्तिहरूले आफ्नो जीवन बचाउन निकै संघर्ष गर्नुपर्छ।

ठगीको आर्थिक र सामाजिक प्रभाव

यो ठगी केवल व्यक्तिमा मात्र सीमित छैन। यसले परिवार र समाजमा गम्भीर प्रभाव पार्छ।

१. आर्थिक प्रभाव:

ठगीमा परेर धेरैले आफ्नो जीवनभरको बचत गुमाउँछन्।

घर फर्कने क्रममा थप खर्चले उनीहरूलाई ऋणमा पुर्याउँछ।

कतिपयले यस्ता घटनाका कारण आत्महत्या गर्नेसम्मको अवस्था भोग्नुपर्छ नभन्न सकिँदैन । भित्री रूपमा घटना घटिसकेका भए पनि बाहिर ल्याउदैन ।

२. सामाजिक प्रभाव:

पीडितको परिवारमा मानसिक तनाव उत्पन्न हुन्छ।

आफन्त र साथीहरूबीच विश्वास टुट्छ।

लाजका कारण पीडितहरूले समाजमा खुलेर कुरा गर्न सक्दैनन्।

सरकार किन मौन छ?

यस्ता ठगीका घटनाहरूबारे नेपाल सरकारले राम्रोसँग जानकारी पाएको छ। तर, अहिलेसम्म ठगहरूलाई कानुनी कठघरामा ल्याउन प्रभावकारी कदम चालिएको छैन। सरकारको यस्तो मौनताले ठगी धन्दा झन् मौलाउँदै गएको छ।

१. कुनै पनि कारबाही छैन:

ठगीमा संलग्न व्यक्तिहरूलाई पक्राउ गर्न र न्याय दिलाउन सरकार चुकेको छ। कहिले के काण्ड कहिले के काण्ड मिलाउँदै सरकार व्यस्त छ ।

२. मध्यस्थता गर्ने निकायको अभाव:

भारत र नेपालको बीचमा कामदारहरूको संरक्षणको लागि प्रभावकारी समझदारी छैन। भारतीय नेपाल मा र नेपाली भारतमा कति गए कति आए भनेर कुनै तथ्याङ्क राख्ने कुनै निकाय छैन ।

३. दबाबको अभाव:

पीडित लाई लुट्नु भन्दा पहिल्यै धेरै डर देखाएर धम्काएको हुन्छ । पीडितहरू डरका कारण उजुरी गर्दैनन्, जसले समस्या अझै गहिरिँदै गएको छ।

ठगी रोक्न हामीले के गर्न सकिन्छ?

१. सबैमा सचेतना फैलाउनुहोस्:

यस्ता ठगी घटनाहरूको बारेमा सामाजिक सञ्जाल र सञ्चार माध्यममा लेख्नुहोस्। सञ्चार नपुगेको ठाउँमा एकले अर्कालाई यो समाचारको बारेमा सुनाउनुहोस् ।सबैलाई सतर्क बनाउने प्रयास गर्नुहोस्।

२. विश्वास गर्नुअघि जाँच गर्नुहोस्:

चिनजान र आफन्तको भरमा विदेश जाने निर्णय नगर्नुहोस् । कुनै पनि अफरको पूर्ण रूपमा अध्ययन गर्नुहोस्।

३. सरकारमा दबाब सिर्जना गर्नुहोस्:

सरकारले ठगीका घटनाहरू रोक्नका लागि कडा कदम चाल्नुपर्छ। ठगहरूलाई कानुनी कारबाहीको दायरामा ल्याउन जनस्तरबाट दबाब दिनुपर्छ।

४. ठगीको उजुरी गर्नुहोस्:

यस्ता घटनाहरूको प्रमाण संकलन गरी प्रहरी र सम्बन्धित निकायलाई जानकारी दिनुपर्छ।

निष्कर्ष

भारतमा रोजगारीको नाममा हुने ठगीले नेपाली नागरिकहरूको जीवन र भविष्यमाथि गम्भीर असर पारेको छ। विशेष गरी, बेरोजगार युवा, सवारी चालक, र हेभी इक्विपमेन्ट अपरेटरहरू मुख्य निशाना बनेका छन्। यस्तो ठगी रोक्न सबै नागरिक सचेत हुनु आवश्यक छ।

यस लेखको उद्देश्य यस्ता घटनाहरूको पर्दाफास गर्दै, जनचेतना फैलाउनु हो। सबै नेपालीले आफ्नो सुरक्षाको लागि सचेत रहनुका साथै, सरकारलाई दबाब दिँदा मात्र यस्तो ठगी रोक्न सकिन्छ।

यो लेख पढीसके पछि शेयर, लाइक, र कमेन्ट गरेर यो समाचार सबैमा फैलाउन मद्दत गर्नुहोस्। तपाईंको सानो प्रयासले धेरै नेपालीको जीवन जोगाउन सक्छ।